Zaburi 20:3 - KITABU KITAKATIFU

³ Avugiliri vihaanwa vivio viosi kandi aduuki kuyaanzizwa ni visiuviliru vivio viosi.

Zaburi 20:3 ပူးပေါင်းရင်းမြစ်များ

Litanga 4:4

Habili yavugula kememe chu kutanga kwivulwa ku magondi geege naasinza ma navugura inyama indahi ligali nahaana ku Yahova kuli isadaka. Yahova yaavugilira kandi nayanza Habili ni sadaka yeeye,

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

2 Kyetsinyinga 7:1

Lwa mwami Solomoni yaali niyakamara lisaala lilie, umuliru gwiika kutura mwigulu nigusamba vihaanwa viukusambwa beyi kandi visiuviliru viali nivihaaniywi viosi; na ovong'ereng'anu vwu vukumi vwa Yahova vwizula Litembeli.

Zaburi 128:5

Yahova akugasize kutura Ziyoni! Na olole Jerusalemi niligasizwa; madiku goosi gi limenya liilio.

Zaburi 134:3

Yahova uwalomba ligulu ni lirova, amugasize kutura Ziyoni!

Zaburi 51:19

Hene yaho, ulayaanzizwa ni visiuviliru viduukira kandi nivihaanwa vietu ni viukusambwa; kandi zigiriki ziliitirwa ku vwali vuvwo kuli visiuviliru.

Isaya 60:7

Chayo cha amagondi goosi ga Keda kandi Nebaiozi; galaletwa ku munyi kuli visiuviliru, kandi galahaanwa ku vwali kuyaanziza Yahova. Yahova alalomba Litembeli lilie kuva liu vukumi ligali kuvita maziambiri.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.