Zaburi 2:12 - KITABU KITAKATIFU

¹² mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 2:12 ပူးပေါင်းရင်းမြစ်များ

Litanga 41:40

Inzi ndakokola wamihi kivala change, kandi vandu vange vosi valatia malago googo. Navuzwa ndava munene kukuvita.

1 Avami 19:18

Nitali ndaleka vandu zielefu saba mu Isiraeli, yavo vosi vaveeye vasuuvirifu ku inzi kandi sivayinamira Baali anoho kuvuusa kifananyi chiichemba.”

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 109:20

Yahova haana mageri ku vandu yavo munzira yeyo. Yee kandi ku yavo avavolaa vindu vidamanu kuli yivi ku inzi!

Zaburi 2:5

Maku aviganihizaa mu vutima vwivwe nukuvatiihiza mu livihirirwa lilie.

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Zaburi 31:20

Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

Zaburi 34:8

Mwenyelerizi uvulahi vwa Yahova, kandi vaveeye nuvugasu avanyoora ovohonyi muye.

Zaburi 34:9

Muyi avandu va Nyasaye, mutie kigira yavo avamuhulira, sivagehera kindu kali hakuzu mba.

Zaburi 40:4

Vaveeye nuvugasu avandu vasuuviraa mu Yahova, avatagirung'anaa nu kusigamira misambwa, kandi siviyungaa ku yavo avasigamiraa avanyasaye vuvugadi mba.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Tsing'ano 16:20

Uhulirizi gawigizwaa, na ulanyora madanyi; usuuviri mu Yahova na mulava no vuyanzi.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Jeremia 17:7

“Navuzwa ndagasiza oyo usuviraa mu inzi kandi oyo wa inzi mbeeye lisuuvira lilie.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Zefania 2:2

ni mukikiri kukungwa kuli mukuzi guhuuzwa ni imbuza, imbiri wu vutima vululu vwa Yahova vukikiri kuduuka ku munyi, imbiri wi lidiku lwa Yahova akikiri kumanyia uvutima vwivwe vululu.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 5:23

kunangwa avandu vosi vaduuki kukuminya mwana kuli mwana akuminyaa Baba. Uyu uvula kukuminya Mwana, kandi siakuminya Baba wamutuma mba.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.