Zaburi 19:9 - KITABU KITAKATIFU

⁹ Iliitia Yahova liveeye lilahi, lihindiraa mihiga ni mihiga. Likalaga lia Yahova liveeye lirungi; liveeye lilahi kazozo.

Zaburi 19:9 ပူးပေါင်းရင်းမြစ်များ

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Zaburi 10:5

Umudamanu agasizwa mu viosi via akola sianyala kumanyiriza likalaga lia Nyasaye mba, kandi alegeliza avasigu veve.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 115:13

Yahova alagasiza sa mulala uhaanaa luyali kuye, avanene navakekeeke harara.

Zaburi 119:1

Vaveeye nuvugasu avandu yavo vilimenya liavo liveeye vugira imbara; avamenyaa kolondekana ni lilaga lia Yahova.

Zaburi 119:106

Ndalinda lilagana liange lie liesuuha, kuhulira amigizu googo gilikalaga lirungi.

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 119:142

Uvulungi vuvwo vulahindira mihiga ni mihiga, kandi Amalago googo gaveeye ga giligali kazozo.

Zaburi 119:39

Ombonyie kutura ku manyego gangoraa kuva muti. Likalaga liilio liveeye liokogenyia.

Zaburi 119:62

Mbuukaa mu vudiku hagati kukwizominya. Kigira likalaga liilio lirungi.

Zaburi 119:7

Ndakwizominya nu mwoyo mulungi lwa nzigaa malago googo matakatifu.

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 12:7

O, Yahova, ukukingi, kandi ukulindi ku likula lidamanu yili mihiga ni mihiga.

Zaburi 147:19

Ahaanaa makuva geege ku vandu veve; kandi ahaanaa amigizu geege na malago geege ku vandu va Isiraeli.

Zaburi 36:1

Avoni vaganagana uvudamanu musi mwi mioyo jaavo kazozo; vumulombaa avuli kuva ni liegehiza imbiri wa Nyasaye.

Zaburi 36:6

Uvulungi vuvwo voveeye igulu ligali kuli vigulu, likalaga liilio lirungi liveeye kuli ululiva lwi inyanza; ivi ulindaa avandu ni zinyama ziosi.

Kutwula 21:1

“Haana malago yaga ku vandu va Isiraeli:

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Isaya 26:8

O, Yahova kunyi kolondaa uvulariri vuvwo, kandi kuvikaa lisuuvirizwa lietu mu ivi; ni ivi weng'ine wa kwegomba kwizuliza.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Varumi 11:22

Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

Varumi 2:2

Kunyi kumanyi ndi Nyasaye aveeye vulahi kukalagira vandu vandi vosi vakora vindu kuli yivi.

Kwidzulitsa 4:8

Sihaveeye ho ni hiiri yindi, kali neveeye enene ndi, eveeye na malago ni likalaga agaveeye amalungi kuli yaga aga mali kumwigiza kalunu.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.