Zaburi 19:7 - KITABU KITAKATIFU

⁷ Lilaga lia Yahova liveeye liduukiru, liheezaa mundu zinguru zimbia. Amalago ga Yahova ahaanaa gaveeye gukusuuvirwa, gahaanaa ovogeri ku yavo avatali navwo.

Zaburi 19:7 ပူးပေါင်းရင်းမြစ်များ

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 111:7

Aveeye musuuvirifu kandi wilikalaga lirungi mu viosi viakolaa; Malago geege goosi gaveeye gukusuuvirwa.

Zaburi 119:105

Likuva liilio liveeye itaya kunzimilira, kandi uvulavu kunzira yange.

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 119:130

Livaala lia amakuva googo lihaana uvulavu ku avandu vovo, kandi lihaana limanyiriza ku avataveeye ni limanya.

Zaburi 119:14

Inzi sangala mu lilonda malago googo kuvita kuva nuvutugi vunyingi.

Zaburi 119:152

Kutura kale, inzi ndiiga kandi nimanyiriza amigizu googo, ivi wagaloomba gahindiri mihiga ni mihiga.

Zaburi 119:24

Amigizu googo ganyanziza ligali; gambeezaa zing'anagani zindahi ligali.

Zaburi 119:72

Amalago ga wahaana gaveeye amalahi ligali ku inzi, kuvita mabesa goosi mu lirova.

Zaburi 119:9

Muyaayi anyala kulinda ndi limenya lilie live lirungi? Anyala kulinda mulihulira malago googo.

Zaburi 18:30

Vikolwa via Nyasaye viveeye vidukiru, kandi amakuva geege gaveeye agiligali. Aveeye kuli inguva ku vosi avenyaa mu likingwa lilie.

Zaburi 23:3

Alombaa mwoyo gwange kuva ni zinguru. Anzimilira mu zinzira ziu vulungi kigira lieta lilie.

Zaburi 93:5

O, Yahova, malago googo gahindiraa mihiga ni mihiga, kandi Litembeli liilio liveeye litakatifu ligali mihiga ni mihiga.

Tsing'ano 1:4

Zinyala kokora mundu musiru kuva mugeri kandi zie liegiza vasoleri kuva vovokonyi.

Isaya 8:16

Munyi, aviigi vange geenya mulindi kandi kuviki amakuva ga Nyasaye amali kumba.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Vikolwa 10:43

Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.