Zaburi 19:11 - KITABU KITAKATIFU

¹¹ Limbezaa limanya, inzi mutumikiri woovo. Mbeeveywi madanyi kigira ilihulira likalaga yilio.

Zaburi 19:11 ပူးပေါင်းရင်းမြစ်များ

2 Kyetsinyinga 19:10

Lwi viina viza ku munyi kutura ku avamwavo vinyu avamenyi mu madaala manene gaavo, kigira litahiza masahi, anoho kuvunaga amalago, Ni mukalaga, hene yaho, mu viganihizi vavule kokora mahiolo imbiri wa Yahova, nandio uvutima vwa Yahova vuvuli kuduuka ku munyi na vamwavo vinyu.

Zaburi 119:103

Amigizu googo gaveeye manolu ligali - amanolu ligali kali kuvita uvwuki!

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 119:72

Amalago ga wahaana gaveeye amalahi ligali ku inzi, kuvita mabesa goosi mu lirova.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 24:14

Umanye kandi, ovogeri voveeye vulahi ku ivi. Niiva ulavonyoola, ulava ni lisuuvirizwa ku madiku gaaza; na lisuuvirizwa yili si lilahelizwa mba.

Tsing'ano 29:18

Kivala vugira vwimiliri vwa Nyasaye keveeye kivala vugira malago; vaveeye nu vugasu yavo avalindaa malago ga Nyasaye!

Ezekieli 3:3

Yambolera, “Mwana wu Mundu, ulie likaradasi lia mang'oda liangoheeza yili ma wiguti.” Ndaalia, na liali linolu ligali kuli vwuki.

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Matayo 6:18

kunangwa mundu woosi avuli kolola ndi ohongi lilia, navuzwa umanyikane ku Baba woovo utalolwa. Na Baba woovo ololaa mu vuviri alakuha madanyi.

Matayo 6:4

Uhaane ovokonyi vuvwo muvwivisu, na Baba woovo ololaa agivisa alakuha amadanyi.

Matayo 6:6

Navuzwa lwa usaala, wingiri munyumba yooyo, ma niwakahana kiliango, usaale ku Baba woovo utalolekaa; na Baba woovo ololaa agivisa, alakuha amadanyi.

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

1 Vakorintho 4:14

Si ng'odi vindu yivi kigira kumuleganyia, navuzwa kumwiganihiza kuli avana vayaanze vange.

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.

Likunula 14:13

Maku ndaahulira mwoyo kutura mwigulu nigovoora, “Ng'oda yaga: Vaveeye nu vugasu avakuzu vakuziraa mu Mwami kutura kalunu.” Yee, Roho avoora, “Vaduuki kosoosa kutura mu miyinzi jaavo. Kigira miyinzi jaavo jilondekanaa navo.”