Zaburi 18:46 - KITABU KITAKATIFU

⁴⁶ Yahova aveeye mwoyo! Mukingi wange yizominywe! Landiza ovonene vwa Nyasaye ombonyia!

Zaburi 18:46 ပူးပေါင်းရင်းမြစ်များ

2 Samweli 22:47

Yahova aveeye mwoyo! Mukingi wange yizominywe! Landiza ovonene vwa Nyasaye ombonyia.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 21:13

O, Yahova, kukwizominyaa ligali, kigira zinguru zizio zinene! Kunangwa kulimba nukwiizominya zinguru zizio.

Zaburi 25:5

Unzigize komenya kolondekana nagiligali googo. Kigira oveeye Nyasaye wange, ombonyia. Inzi suuviraa mu ivi kazozo.

Zaburi 42:9

Mboraa ku Nyasaye, oveeye mukingi wange, mboraa, “Kigira ki umali kunzivilira? Kigira ki inzi nzizagiliri kusalira kutura ku lidambizwa lilulu lia vasigu vange?”

Zaburi 51:14

O, Nyasaye, honyia livamwoyo liange na ombonyie, ku vwoni vwu kwiita avandi! Na ndalandiza uvulungi vuvwo nuvusangali.

Zaburi 57:11

O, Nyasaye, ukuminywe mwigulu igulu, kandi uvukumi vuvwo vove ku lirova liosi.

Zaburi 57:5

O, Nyasaye, ukuminywe igulu wi ligulu, kandi uvukumi vuvwo vulande ku lirova liosi.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Zaburi 79:9

O, Nyasaye, yaanza okokonye kandi okohonyie. Okosoole kandi ukusamihi uvwoni vwitu kigira uluyali lwi lieta liilio.

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Luka 1:47

Kandi mwoyo gwange gusangali kigira nu Nyasaye, Muhonyi wange.

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.