Zaburi 18:43 - KITABU KITAKATIFU

⁴³ Ivi wambonya kutura ku yavo avibalaa ku inzi, kandi wangola kuva mwamihi ku zihiiri ziosi, avandu va inzi ndaavura kumanya, kalunu vaveeye avatumikiri vange.

Zaburi 18:43 ပူးပေါင်းရင်းမြစ်များ

2 Samweli 19:9

Vatanga kolembana mu kivala choosi hagati haavo aveene. Vavolerana aveene, “Mwami Daudi yakohonyia kutura ku vasigu viitu. Yakohonyia kutura ku vandu va Filisitia, navuzwa kalunu umali kwiruka kutura ku Abisolomu nokoleka kivala.

2 Samweli 3:1

Uvulwani hagati ha amahi aguungaa avinyumba ya Saolo mukono na yavo avungaa Daudi mukono vwazizagilira ku ing'inga indambi. Daudi yamedeka zinguru ligali, navuzwa avasigu veve vazizagilira kogeeha zinguru ligali.

Zaburi 108:9

Navuzwa ndatumikira Moabu kuli ebenzeni yange yukwisavira ku. Ndalasa vilato viange ku Edomu, kuli kelolero ndi keveeye ichange. Ndahanzuka mu liguuta Vafilisitia.”

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Varumi 15:12

Isaya avoora “Kisukururwi cha Jese kilaloleka; kilaaza kwamiiha vandu vizihiiri, kandi navo valaviika lisuuvirizwa liavo muye.”

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Vafeso 1:22

Nyasaye yavika vindu viosi isi wi virenge via Kristo namukora kuva Mwami munene ku vindu viosi kigira likanisa lilie,

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”