Zaburi 18:15 - KITABU KITAKATIFU

¹⁵ O, Yahova, ivi wakola luliva lwi inyanza kwuma, kandi imise ji lirova jakunulwa lwa wagondokera avasigu vovo, nufuumira mu vutima vuvwo vululu.

Zaburi 18:15 ပူးပေါင်းရင်းမြစ်များ

2 Samweli 22:16

Lwaalo lwi inyanza lwakolwa hazwa, kandi misingi ji lirova jakunulwa lwa Yahova yagondokera avasigu veve, kandi nuvafuumira nu vutima.

2 Avami 19:7

Yahova alalomba mwami wa Asiria kuhulira amakuva agamulomba kwirana mu kivala chiche mwene, na Yahova alamwitira yo.”

Ayubu 36:32

Agumiraa loheni numukono gwigwe, kandi alaga kukuya havundu hamali kotovola.

Ayubu 4:9

Nyasaye, avadiviza nu mwika gwigwe gwu vutima. Kandi liatuluka liu vutima vwivwe vagotaa.

Zaburi 104:5

Ivi wavika imise je lirova jadinya ligali, kandi sijiladengeyizwa mihiga ni mihiga mba.

Zaburi 106:9

Yahaana lilago ku nyanza Nzakanyu nayo yuuma; yimilira avandu veve kuvitira hagati hayo ku lirova liumu.

Zaburi 144:6

Tuma oloheni lohemaheme kandi usalanyie avasigu, ulase mivano ju vuta vuvwo na uvakole viiruki vazie ihale.

Zaburi 74:15

Ivi wakola visinukiru via mazi notogera kwituruka; kandi wuminya migera minene ligali.

Zaburi 76:6

O, Nyasaye wa Yakobo, lwa wavatiihiza zibarasi na vahiri vazio vaagwa hasi nivakuza.

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 92:10

Ivi umali kokora inzi kuva nizinguru ligali kuli embogo; umali kuungasiza nuvusangali.

Kutwula 15:8

Wahuuza kunyanza, na amazi gavunga igulu ligali; gasingira igulu vulungi kuli lidigi; ululiva lwu musi ligali lwinyanza lwagwa ludinyu.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Jeremia 31:37

Niiva lidiku lilala ligulu liakagereywi kandi imise jilirova kohenzerizwa, maku yakasuyi avandu va Isiraeli kigira kugoosi agavamali kokora. Yahova amali kovora.

Jona 2:6

Ndiyina musi kuduuka hi vigulu vitangira, mu kivala chi virivwa viacho viahanwa mihiga ni mihiga. Navuzwa ivi O, Yahova Nyasaye wange, waanzilanyia kutura mu vogo nimbeeye mwoyo.

Mika 6:2

Munyi avandu vamenyi ku vigulu, kandi munyi avandu vamenyi ku lirova avahindira, hulirizi liyaala lia Yahova! Yahova aveeye nilihing'ana ku avandu veve. Azizaa kuyaala Isiraeli.

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

1 Samweli 7:10

Lwa Samweli yaali naahaanaa kisiuviriru chukusambwa zana, Avafilisitia visunda imbiri kuvingilira nukuvalwana; navuzwa ahene yaho vuzwa, Yahova yaahirigana kutura mwigulu ku vandu va Filisitia. Vadandana ligali ma niviruka mu lihenda mwoyo nokodegera.