Zaburi 17:7 - KITABU KITAKATIFU

⁷ Vuula uvuyanzi vuvwo vwokogenyia na ombonyie; ivi ohonyiaa aviirukiraa ku ivi ha mukono gugwo mulungi, inzi mboni kutura ku vasigu vange.

Zaburi 17:7 ပူးပေါင်းရင်းမြစ်များ

2 Avami 19:22

Nivwaha wa uganaganaa ogemehizaa no kolegeriza? Ivi umali kolegeriza nu kuvula kuhaana luyali ku inzi, Nyasaye, Mutakatifu wa Isiraeli.

2 Avami 19:34

Ndakinga lidaala linene yili nu kulisoola liduuki kuhona, kigira uluyali lwange, inzi mwene, kandi kigira lisuuvirizwa liandalomba ku mutumikiri wange Daudi.’ ”

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Zaburi 20:6

Kalunu inzi manya ndi Yahova ahaanaa liguuta ku mwami mutovole weve; amutivuliraa kutura mwigulu mwimwe Mutakatifu, kandi amuhezanga liguuta linene kuzinguru zizie.

Zaburi 31:21

Yahova yizominywe! Lwa ndaakumbirizwa nu kwingilirwa kuli lidaala linene lingilirangwa, yamanyia uvuyanzi vwivwe vwokogenyia uvutali ne keheri.

Zaburi 31:22

Ndaatia ligali kandi niing'anaganyia ndi amali kungunga nduli imbiri weve. Navuzwa Yahova yahulira lilira liange, lwa ndanira kuye aduuki kongonya.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 60:5

Okohonyie nizinguru zizio; undivuliri lisaala liange. Kunangwa avandu va ivi uyanzaa vaduuki kohonywa.

Zaburi 78:12

Nyasaye yakola vilolekizu viokogenyia imbiri wa vaguuga vaavo mu kereremo cha Zoani mu kivala cha Egebeti.

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!