Zaburi 17:3 - KITABU KITAKATIFU

³ Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 17:3 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Ayubu 24:14

Mulumindi avukaa mu mavwevwe aduuki kwiita avadaka na avadambi; kandi yivaa vudiku.

Zaburi 11:5

Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

Zaburi 119:106

Ndalinda lilagana liange lie liesuuha, kuhulira amigizu googo gilikalaga lirungi.

Zaburi 139:1

O, Yahova, ivi umali kombenzeriza kandi umanyi inzi ligali!

Zaburi 139:23

O, Nyasaye, ambenzeriza ligali na umanye zing'anagani ziange. Ongerize na umanye zing'anagani ziumwoyo gwange.

Zaburi 16:7

Nzizominyaa Yahova kigira yanzimilira, kandi mu vudiku zing'anagani ziu mwoyo gwange zinziganihizaa.

Zaburi 26:2

O, Yahova, unzideere na ongerize; ukalagiri lienya liange ni zing'anagani ziange.

Zaburi 39:1

Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Zaburi 66:10

O, Nyasaye, ivi umali kukuvika mu ligerizwa, kuli ifeza isambangwa mu muliru ma iloleka inifu. Nindio kandi ivi okogerizi.

Zaburi 7:4

niiva ndakora uvudamanu ku mulina wange, anoho kulanya musigu wange vugira kivuni,

Tsing'ano 13:3

Mundu ulindaa makuva geege, alindaa livamwoyo lilie, navuzwa oyo oveeye na makuva gavwangu alidiviza.

Jeremia 12:3

Navuzwa, Yahova, ivi wamanya inzi; olola agangolaa, kandi kuli ndakuyaanza. Kunga avandu vuvudamanu yava vazie ihale kuli magondi gu kwita; uvalindi kuduuka ing'inga yukusinzwa.

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Hosea 7:6

Yee, vahiiza kuli mahiga mulilohiza liavo liumuvwivisu. Vutima vwavo vwaka uvudiku vwosi, kandi mugamba gwalonda ku gwang'ereng'ana kuli lomemo liumuliru.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 16:9

Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.”

1 Vakorintho 4:4

Zigangani ziange ziveeye zindahi, navuzwa yaga sigangolaa kuva vugira imbara mba. Mwami niyie uwaalagiraa.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Samweli 24:10

Unyala kololera ndi ulwene yilu noveeye muluhangaywa, Yahova akuviiki mu zinguru ziange. Valala ku vandu vange vamboleeye ngwiti, navuzwa ngovererera kandi nimbora ndi sindakusaliriza munzira yoosi mba, kigira ivi niyie wa Yahova yatovola kuva mwami.

1 Samweli 24:12

Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 26:11

Yahova angaye mburi kogeriza kusaliriza uyu mulala wa Yahova amali kokora umwami munene! Leka kuvuguli litimu lilie kandi kimuga chiche cha mazi, ma kuzie.”

1 Samweli 26:23

Yahova ahaanaa madanyi ku yavo avaveeye avasuuvirifu kandi avalungi. Lero Yahova aviiki ivi mu zinguru ziange, navuzwa inzi singokoli kindu kidamanu ukusaliriza ivi mutovole wa Nyasaye yakola Mwami Munene mba.