Zaburi 16:7 - KITABU KITAKATIFU

⁷ Nzizominyaa Yahova kigira yanzimilira, kandi mu vudiku zing'anagani ziu mwoyo gwange zinziganihizaa.

Zaburi 16:7 ပူးပေါင်းရင်းမြစ်များ

Zaburi 119:148

Kali mu vudiku vwosi singonaa mba, ng'anagana ku lilagana liilio.

Zaburi 119:55

O, Yahova, nzizuliza ivi mu vudiku, kandi ng'anagana ku malago googo.

Zaburi 119:7

Ndakwizominya nu mwoyo mulungi lwa nzigaa malago googo matakatifu.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 22:2

Mbasu beyi nzanira ku ivi, Nyasaye wange, navuzwa siundivuliraa mba. Nzanira ivi uvudiku beyi, navuzwa sinyoolaa ovososi mba.

Zaburi 42:8

Yahova umanyie uvuyanzi vwivwe vutaveeye nekeheri ku ing'inga ya mbasu; kunangwa nduuki kwimba lwimbu lwu kumwizominya ha vudiku. Lwimbu yilu love kuli lisaala ku Nyasaye ombezaa livamwoyo.

Zaburi 63:6

Lwa ng'onaa mu kidali change, nzizulizaa ivi; ng'anaganaa ivi uvudiku vwosi,

Zaburi 73:21

Lwa ndaali mu zing'anagani zinyingi, mwoyo gwange gwatumitwa no vovereri,

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 77:6

Vudiku vwosi mwoyo gwange goveeye mu liganagana linene, mu liganagana liange, na yaga nigo ganzeteevaa:

Tsing'ano 8:14

Ndohizaa miyinzi no kugikola mbeeye ni limanya, kandi nizinguru.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Jeremia 12:2

Ivi wavasimika kuli musaala navahira imiri; vaviruka kandi vaama amakuyu. Vuli ing'inga vamoloma vulahi kigira ivi, navuzwa sivakohendera mwoyo mba.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Luka 6:12

Lidiku lilala Yeso yazia mu kiguru kusaala, kandi yagona yo nasaalaa ku Nyasaye uvudiku vwosi.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.