Zaburi 16:4 - KITABU KITAKATIFU

⁴ Yavo avanyagura kusigamira avanyasaye vandi, veleteraa kivi kenene. Inzi sindasanga mu visiuviliru viavo mba. Sindasigamira avanyasaye vaavo mba.

Zaburi 16:4 ပူးပေါင်းရင်းမြစ်များ

Litanga 35:14

Ahene yaho, aha Nyasaye yaali na molomi na Yakobo, Yakobo yavika ho munara gwa magina gove kuli chukwizuliziraku. Yasundula ku iwaini na maguta ga muzeituni kandi nagutakasa.

Zaburi 32:10

Avandu vachamu vosi valava ni lisalira linene ligali, navuzwa yavo avaasuuvira mu Yahova, vakingwa nu vuyanzi vwivwe vutaveeye ne keheri.

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Isaya 57:6

Muvuguraa magina materere kutura mu mugera yigwo nukugasigamira kuli avanyasaye. Muzukaa iwaini kugo kuli kihanwa nukugaleetera vihaanwa viu vuswage. Muganaganaa nyanzizangwa ni vindu yivi viosi?

Isaya 65:11

“Navuzwa munyi mwaleka inzi, Yahova winyu, kandi mwayivirira kiguru change Kitakatifu Munyi mwalomba viukulia niviukunwa nimuhaana ku avanyasaye vu vutugi kandi vi livamwoyo liekeheri.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Kyavalevi 23:13

Harara nacho, mulaleeta zikilo ziviri ziu vusie vuzuganyiywi mu maguta ga muzeituni kuli kihanwa chichukulia kifunyaa mwayu. Mulaleeta kandi harara navwo, iliita indala yi waini.

Jona 2:8

Yavo avasigamiraa vifananyi via vuzwa vamali koleka uvusuuvirifu vwavo ku ivi.

Joshua 23:7

kandi mutahambani na vandu vizihiiri yava avatigara hagati hinyu, anoho kutala amita ga vanyasaye vaavo, anoho kutumikira amita yago mu liesuuha mba, mutasigamiri avanyasaye yavo mba. Mutinama imbiri wavo kuvasaala mba.