Zaburi 150:3 - KITABU KITAKATIFU

³ Mumwizominye ni visiliva. Mumwizominye nuvukana kandi nilidienyi.

Zaburi 150:3 ပူးပေါင်းရင်းမြစ်များ

2 Samweli 6:15

Kandi ndio, Oya na vandu va Isiraeli vosi vavugura Lisandugu lie Lilagana kuduuka Jerusalemi nilihanzuka Liuvusangali vonene nivakuba visiliva.

2 Samweli 6:5

Daudi na Avaisiraeli vosi vaali nivavina kandi nivimba nizinguru ziavo ziosi kuhaana luyali ku Yahova. Vaali nivakubaa uvukana, madienyi, zisugudi, malele, nizing'imba.

1 Kyetsinyinga 15:20

Zakaria Azieli, Shemiri Amozi, Jehieli, Uni, Eliabu, Maaseia, na Benaya vatovolwa kukuba vukana kolondekana na Alamozi,

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

1 Kyetsinyinga 16:42

Hemani na Jeduzuni vasingilira likuba visiliva ni vikuli, kandi ni viju vindi viosi viakubwa lwa viimba zinyimbu ziu kwizominya Yahova. Avandu vi kiliango cha Jeduzuni valinda virivwa.

1 Kyetsinyinga 25:1

Mwami Daudi na aviimiliri va vandu va Levi vaatovora vi viliango via vandu va Levi ukwimilira miyinzi ju kusigamira Yahova. Yava vaali Asafu, Hemani, na Jeduzuni. Venyeka vilwaaze makuva ga Nyasaye, harara ni zinyimbu ziuvukana kandi uvukana vwi migoye kandi vikuli. Yili nilio lilohiza lia avandu vatovolwa ukwimilira lisigamira, nu lugano lwu vutumiki lwa vuli mundu yakola.

2 Kyetsinyinga 20:28

Lwa vaduuka mu lidaala linene, vazia mu Litembeli ni viimba nu vukana vwemigoye, visira, na mang'alala ni vasangala mu vuyanzi vonene.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

Zaburi 108:2

Mwoyo gwange gwetegeki! Ndavuka nu kukuba vukana ni lidienyi!

Zaburi 149:3

Mwizominye lieta lilie mu livina. Mukubi zindumba nuvukana mu limwizominya.

Zaburi 33:2

Mwizominye Yahova nu vukana, mwimbi zinyimbu ziu kusandiza nu vukana vwi migoye likomi!

Zaburi 92:3

nizinyimbu ziukwimbira ku viju vie lidienyi, kandi zinyimbu zindahi ziuvusangali ku vukana.

Danyeli 3:5

Lwa muhuliri mwoyo gwi kisiriva, kelondwa ku ni likuba lie lilele nu gwi lidienyi, nu gwi inangoli nu gwu vukana nu gwi lidulele harara ni vikuli vindi viosi ni vikubwa. Nonoho lwa vitanga kukubwa, gamuduukira mwiname haasi nu kusigamira kifananyi chi zahabu chu mwami Nebukadineza amali kusingiliza.

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”