Zaburi 149:2 - KITABU KITAKATIFU

² Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 149:2 ပူးပေါင်းရင်းမြစ်များ

Ayubu 35:10

Navuzwa sivagirung'ana koyeeka ku Nyasaye mulombi wavo mba; uvaheezaa lisuuvirizwa mu zing'inga ziavo zie kisundi kenene ligali.

Zaburi 47:6

Mwimbiri Nyasaye zinyimbu ziu kumwiizominya; mwimbiri mwami wiitu zinyimbu zie lizominywa.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Isaya 43:15

Inzi mbeeye Yahova, Nyasaye winyu Mutakatifu. Inzi ndalomba munyi, avandu va Isiraeli, kandi mbeeye mwami winyu.”

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zefania 3:15

Yahova umali koheriza kuhaana mageri ku munyi kandi umali kutuliza ho avasigu vinyu vosi. Yahova, mwami wa Isiraeli aveeye harara ni munyi; si mulava nu vuti kandi mba.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”

Luka 19:38

Vavoola, “Nyasaye agaasizi Mwami Munene uza mu lieta liu Mwami. Mirembe jive mwigulu, nu uvukumi vove mwigulu igulu ku Nyasaye!”

Yohana 19:15

Navo vahanzuka, “Mu mwiti! Mu mwiti!” Pilato yavateva “Inzi mbambe mwami winyu?” Avasaalisi vanene vativura, “Kunyi sikoveeye nu mwami wundi natali Kaisari!”

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.