Zaburi 148:8 - KITABU KITAKATIFU

⁸ Mwizominye munyi zimbeni niimbura ya magina, likonza na malesi; kandi zimbuza zie zinguru izihulira lilaga lilie.

Zaburi 148:8 ပူးပေါင်းရင်းမြစ်များ

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Ayubu 37:12

Ku lilago lilie, viosi vivodong'anaa nokogenda yiyi ni yiyi. Kandi gatwekizaa vindu viosi via Nyasaye alaangaa viekoleke.

Zaburi 103:20

Mwizominyi Yahova, O, munyi zingelosi vizingulu kandi vuvunyali, avahulira amalago geege, kandi avahulirizaa aga avoolaa.

Zaburi 18:12

Imbura ya amagina no lomemo lwu muliru kutura koloheni, viaturuka mu malesi imbiri weve, kandi viavitira mu malesi mamwamu.

Kutwula 10:13

Kunangwa Musa yaginga imbimbu yeeye igulu ku kivala cha Egebeti, na Yahova yaleeta imbuza yu kudiviza kutura Ivugwi nihuza ku kivala umbasu gwosi nu vudiku vwosi. Nivuchezaa mu mavwevwe imbuza yeyo yaleeta zisigi.

Kutwula 10:19

Yahova yaagirung'anyia imbuza enene yivugwi niitula imadioli nihuza zisigi ziosi nukuzihira mu inyanza Inzakanyu. Isigi kali indala siyatigala mu kivala choosi cha Egebeti mba.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Joeli 2:30

“Ndakahaana lieganihiza lie lidiku yilio mumalesi kandi ku lirova; naliveho litahiza lia masahi, muliru, kandi malesi gu mwoki.

Kyavalevi 10:2

Kunangwa muliru gwatura imbiri wa Yahova niguvasaamba, ma nivakuzira imbiri wa Yahova.

Amosi 4:13

Nyasaye niyie walomba vigulu ni imbuza. Nyasaye avuuliraa mundu zing'anagani zizie; agirunganyia umbasu kugwa kisundi. Agendaa igulu wi lirova. Lieta lilie liveeye: Yahova Nyasaye Wanyala Viosi!

Amosi 7:4

Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Jona 1:4

Navuzwa Yahova yatuma kihuzuzi kenene kunyanza, kandi chahuuza ninduuta enene ligali, kali iliato liali ahimbi kuvunanywa.

Jona 1:5

Aveeremi voosi vaali nuvuti vonene ligali kandi vuli mundu yanira anyoore ovokonyi, kutura ku munyasaye weve mwene. Kunangwa, vasiuva ivindu via vaali nivagingi munyanza mbula vagehizi uvulitu vwi iliato. Ing'inga yene yeyo, Jona yaali naaziyi mulwaalo mwiliato; naagonaa.

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Likunula 16:21

Imbura ya amagina enene yakuba; vuli ligina liali nu uvulitu vwi zikilo 50 gagwira vandu kutura mwigulu, vaanyega Nyasaye, kigira amaduywa gi imbura ya amagina yeyo liduywa lie imbura ya amagina yilio liali lidamanu ni liu kutihiza ligali.