Zaburi 148:1 - KITABU KITAKATIFU

¹ Mwizominye Yahova! Mwizominye Yahova kutura mwigulu, munyi avamenyaa igulu ligali kuvita.

Zaburi 148:1 ပူးပေါင်းရင်းမြစ်များ

Zaburi 103:22

Mwizominyi Yahova, O, munyi vilombe vivie viosi viveeye havundu hoosi aha yamiha. O, nzizominyaa Yahova nu mwoyo gwange gwosi.

Zaburi 146:1

Mwizominye Yahova! Wizominye Yahova, O, mwoyo gwange!

Zaburi 69:34

O, munyi ligulu kandi lirova, mwizominye Nyasaye. Mwizominye Nyasaye, munyi zinyanza ni vilombe viosi muzio.

Zaburi 89:5

O, Yahova, viosi iviveeye mu ligulu viembaa lizominya lie vindu viokogenyia via okolaa, kandi zingelosi vovo vimba nu kwizominya uvusuuvirifu vuvwo, O, Yahova.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”