Zaburi 147:2 - KITABU KITAKATIFU

² Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Zaburi 147:2 ပူးပေါင်းရင်းမြစ်များ

Nehemia 6:15

Inyima wa madiku 52 miyinzi, jilidigi liosi jiafa kwumbakwa vuhia ku lidiku lia 25 liu mweli gwa Eluli.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Nehemia 7:4

Jerusalemi liali lidaala linene, navuzwa avandu vamenya mu sivali avanyingi mba, kandi zinyumba zinyingi ziali nizikikiri kwumbakwa.

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Zekaria 8:7

Ndakasole avandu vange kutura muvivala via vaali nivahilwa mu,

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.