Zaburi 147:14 - KITABU KITAKATIFU

¹⁴ Akolaa zinzako zizio kuva ni mirembe, kandi akwigutizaa ni ingano indahi ligali.

Zaburi 147:14 ပူးပေါင်းရင်းမြစ်များ

1 Kyetsinyinga 22:9

Navuzwa yanombera lisuuvirizwa. Yavoola, ‘Ulivuula muyaayi uliamiihi mu mirembe, kigira ndakamuhe mirembe kutura ku avasigu veve vosi. Lieta lilie lilakave Solomoni, kigira mu ing'inga yi liamiiha lilie, alakahe Isiraeli mirembe no vosoosi.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 132:11

Ivi walomba lilagana lie liesuuha ku Daudi, lisuuviriza lia utanyala kugirung'anyia kandi mba: “Ndakora mulala ku vayaayi vovo kuva mwami, na alamiiha inyima woovo.

Zaburi 132:15

Ndahaana ku lidaala lia Ziyoni uvutugi vwosi vwa lienyaa: ndigutiza avadaka valio nichukulia.

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 81:16

Navuzwa ndakamulihizi ni ingano indahi ligali kuvita nukumwigutiza nuvwuki vwu muvulimu.”

Isaya 66:12

Yahova avoora, “Ndamuletera limedeka liu vutugi vunyingi litahera mba; uvutugi vwi zihiiri vwiutululuka ku munyi kuli mugera gutakamaa. Mulava kuli mwana mudoto olelangwa na mama weve, agingangwa mu maha, nukulindwa muvuyaanzi.

Ezekieli 16:13

Mwisiaha viuma vie ifeza nizahabu kandi mwivika vuli ing'inga zinguvu ziamangilinya gi katani kandi zindahi ligali. Mwalia mugadi gwalombwa kutura ku vusie vulahi ligali. Mwaakomba uvwuki namaguta gamuzeituni. Uvulahi vwinyu vwang'ereng'ana kandi nimuduuka kuliiva liu Mwami wikikali.

Ezekieli 27:17

Avandu vi Ivuyuda na avandu va Isiraeli vaakiranyia ni munyi. Vaamugulizira ingano kutura Minizi, amaguta, mizeituni, uvwuki kandi vifunya umwayu.

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Zekaria 9:8

Ndakalindi kivala change nu kwigalira mahi galavuli kuvitira mu. Sindakaleke avandu vadamanu vadambizi avandu vange kandi mba. Mali kolola kuli avandu vange vasaalira.”

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.