Zaburi 146:7 - KITABU KITAKATIFU

⁷ Ahaanaa likalaga liu vulungi ku avadambizwa; kandi ahaanaa chukulia ku avinzara. Yahova avohololaa avahambe,

Zaburi 146:7 ပူးပေါင်းရင်းမြစ်များ

Zaburi 10:18

Ivi ulahulira lianira lia avadambizwa navavisandu; ulavakalagila kolondekana ku vulungi vwavwo. Kunangwa avandu vatahindira mihiga ni mihiga vavuli kuvatihiza kandi mba.

Zaburi 103:6

Yahova akalagira avadambi ni likaraga liu vulungi kandi avaheezaa uvulungi vwavo.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 136:25

Ahaanaa viukulia ku vilombe viosi viveeye mwoyo viosi; kigira uvuyanzi vwivwe vuhindiraa mihiga ni mihiga.

Zaburi 142:7

Omboholore kutura muvuhambe; maku ndahaana lizominya ku ivi mu livugana lia avandu vovo valungi, kigira uvulahi vuvwo ku inzi.

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 68:6

Nyasaye ahaanaa ku vadambi hango ho komenya, avohololaa avahambe nukuvaha uvweremelizi. Navuzwa avibaali valamenya mu changalangwe.

Zaburi 68:7

O, Nyasaye, lwa wimilira avandu vovo, lwa waazia kuvitira mu changalangwe,

Zaburi 72:4

Leka mwami akalagiri avadaka vulahi; leka akonye avilienya kandi aguuti avadambizi vaavo.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Luka 1:53

Wigutizi avinzara ni vindu vilahi, O, uvukungi avatugi amakono vugira kindu.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Luka 9:17

Vosi valia niviguta. Aviigi veve vavungiza vihinda likomi na viviri via madonye gi viukulia viatigala.

Vikolwa 16:26

Nonoho haali ni lidegera linene lie lirova, nilidengeyiza misingi ju vuhambe, viliango viosi vigulika, ni minyororo jaavoholoka nijitonya kutura ku vahambe

Vikolwa 5:19

Navuzwa vudiku yivwo engelosi wu Mwami yigula virivwa viu muvuhambe, naavimilira kutura ichova, na avavoolera,