Zaburi 145:17 - KITABU KITAKATIFU

¹⁷ Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 145:17 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

Ayubu 34:10

Mbulirizi, munyi avandu vilimanya linyingi? Nyasaye Wuvunyali anyala kokora agaveeye madamanu?

Ayubu 34:12

Gaveeye agiligali ndi, Nyasaye siakolaa uvudamanu mba. Kandi Wuvunyali sialachaminya likalaga lirungi.

Zaburi 103:6

Yahova akalagira avadambi ni likaraga liu vulungi kandi avaheezaa uvulungi vwavo.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Zaburi 89:14

Uvulungi kandi agiligali viveeye umuse gwu vwami vuvwo; uvuyanzi vutaveeye ni keheri kandi uvusuuvirifu vilolekaa mu viosi via okolaa.

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”