Zaburi 144:14 - KITABU KITAKATIFU

¹⁴ Zing'ombe zietu ziivulane muvunyingi ligali vugira lilogosa anoho uvudinyu, kandi litavaho ni lilira lie linyang'ana mu madaala giitu mba.

Zaburi 144:14 ပူးပေါင်းရင်းမြစ်များ

Ayubu 39:11

Unyala kugisuuvira kigira zinguru ziayo ziveeye zinyingi? Unyala kugelekela miyinzi jijo miliduhu ekokolere?

Isaya 24:11

Haveeye ho nililira linene mu zinzira kigira sihaveeye ho niwaini mba; uvusangari vwosi vumali kohera; uvuyanzi vumali kutulizwaho mulirova.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 14:2

“Avandu vi Ivuyuda vasioma; avandu va madaala manene gi Ivuyuda vakuza, avandu va madaala yaga vaagoni hasi ku marova mu vovereri; kandi avandu va Jerusalemi vanira ovokonyi!

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:7

“Yahova alaguuta avasigu vovo lwa vakwingilira kutura lovega lulala, navuzwa viiruki kutura mu zimbega saba.

Vakalagi 5:8

Lwa vandu va Isiraeli vaatovora vanyasaye vageni uvulwani vwaduuka mu virivwa via madaala manene, sihaaliho nikuuti anoho litimu vialoleka mba, ku vandu zielefu arubaini.

Vakalagi 6:3

Lwa vandu va Isiraeli vataga ivitagwa mu milimi jaavo, vandu va Midiani na vandu va Maleki, harara na vandu vu muchangalangwe vaza ku vingilira.

Vakalagi 6:6

Avandu va Midiani vaakora vandu va Isiraeli kugwa avadaka kuduuka lwa vanira Yahova avakoonye.

1 Samweli 31:7

Lwa vandu va Isiraeli ku lovega lundi lwi Livona lia Jezireeli kandi ivugwi wumugera gwa Jorodani vahulira ndi liihi lia Isiraeli vamali kwiruka ma kandi Saolo harara na vayaayi veve vamali kwitwa, vaang'araa madaala gaavo niviruka. Ahene yaho vandu va Filisitia vaza nivavugura nokomenya mu.