Zaburi 141:2 - KITABU KITAKATIFU

² Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 141:2 ပူးပေါင်းရင်းမြစ်များ

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

Ezara 9:4

Ndikala ahene yaho mu vovereri kuduuka ing'inga ya mugorova yu kuhaana kisiuviriru. Avandu vosi vaali nuvuti vaza nivangumberiza kigira aga Nyasaye wa Isiraeli yaali navooye kigira uvwoni vwa yavo avaari nivirani kutura mulihaminywa.

Zaburi 134:2

Mugiingi makono ginyu igulu mu lisaala mu Litembeli lilie, na mwizominye Yahova!

Zaburi 28:2

Umbulirize lwa nzanira ku ivi ongonye, lwa ng'ingaa makono gange kohenziza ku Litembeli liilio litakatifu.

Zaburi 5:3

Mugambazuri, uhuliraa mwoyo gwange, lwi liuva litongaa mbana lisaala liange ku ivi, nu kulindilira mativuli googo.

Zaburi 63:4

Ndakusandiza mu livamwoyo liange liosi, ndaginga makono gange igulu ku ivi mu lisaala.

Kutwula 29:39

Uhaane ekememe kilala zing'inga zia mugamba, ni ikindi ukihaane hamugorova.

Kutwula 35:15

nu vwali vwukusambira ku kimuli ni zitiru ziavwo; na maguta gukuvaka; kimuli kifunyaa mwayu; viosi ninguvu yu kukinga mu kiliango chi Lihema;

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Vikolwa 3:1

Lidiku lilala, zisa tisa zia mbasu, Petero na Yohana vazia mu Litembeli, kusaala.

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.