Zaburi 14:1 - KITABU KITAKATIFU

¹ Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Zaburi 14:1 ပူးပေါင်းရင်းမြစ်များ

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Ayubu 22:13

Kunangwa ivi ovola, ‘Nyasaye amanyi kindu ki? Aveeye unyala kuhaana likalaga kuvitira mu kisundi kenene?

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Zaburi 53:1

Avandu vasiru vavoola mu mioyo jaavo ndi, “Nyasaye siaveeyeho mba.” Vosi vaveeye avadamanu, kandi vamali kokora agukuvihiririza; sihaveeyeho nu mundu kali mulala okolaa agaveeye amalungi mba.

Zaburi 73:3

lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Zaburi 92:6

Yiki ni kindu chu musiru atanyala kumanya; umuyingu sianyala kumanyiriza mba.

Tsing'ano 1:22

“Vandu vasiru! Mulava avasiru kuduuka ing'inga ki? Mulasangalira kokolera ovegeri kehenyahenye kuduuka ing'inga ki? Muliiga ing'inga ki?

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 13:19

Liegomba liduukiziywi liveeye lilahi mu mwoyo, navuzwa ligirung'ana kutura mu vudamanu, liveeye gi livihiririzwa ku vasiru.

Tsing'ano 27:22

Kali niiva ulakuba mundu musiru kuduuka ave masamba makuzu, si ulatuliza uvusiru muye mba.

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Jeremia 5:12

Avandu va Yahova vamali kumusura kandi vavoola, “Yahova sianyala kokora kindu kukunyi mba. Uvudamanu sivulaza kukunyi mba, kandi si kulava nu vulwani anoho inzara mba.”

Jeremia 6:28

Vaveeye vosi avibaali vahindagirizi, avadinyu kuli mugasa nikivia. Vosi vaveeye avuvwoneku vazizaa yiyi nayiyi nivalandiza vovehi.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

1 Samweli 25:25

Mwaza, nuyanza, utahuliriza amakuva ga Nabali muyingwa oyo mba. Aveeye vuzwa kuli kivuni chi ilieta lilie livoora, ‘umusiru’. Inzi sindaaliyo lwa vatumikiri vovo vaza mba.