Zaburi 138:7 - KITABU KITAKATIFU

⁷ Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 138:7 ပူးပေါင်းရင်းမြစ်များ

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Zaburi 17:7

Vuula uvuyanzi vuvwo vwokogenyia na ombonyie; ivi ohonyiaa aviirukiraa ku ivi ha mukono gugwo mulungi, inzi mboni kutura ku vasigu vange.

Zaburi 18:17

Yambonyia kutura ku avasigu vange vizingulu, kandi kutura ku yavo vosi avandunyira. Vaali ni zinguru zinene ligali kuvita inzi.

Zaburi 18:18

Lwa ndaali mu vudinyu, avasigu vange vanzingilira, navuzwa Yahova yasoola.

Zaburi 18:35

Ivi ombeeye inguva yo vohonyi vuvwo, kandi zinguru zizio ziniindi.

Zaburi 20:6

Kalunu inzi manya ndi Yahova ahaanaa liguuta ku mwami mutovole weve; amutivuliraa kutura mwigulu mwimwe Mutakatifu, kandi amuhezanga liguuta linene kuzinguru zizie.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 56:9

Ku lidiku lia nzanira ku ivi, avasigu vange valilanywa inyima. Inzi manya yaga ndi: Nyasaye aveeye ku lovega lwange.

Zaburi 60:5

Okohonyie nizinguru zizio; undivuliri lisaala liange. Kunangwa avandu va ivi uyanzaa vaduuki kohonywa.

Zaburi 77:10

Maku ndavoora, “Kindu kisalirizaa ligali kuvita viosi ni yiki: Nyasaye Wuvunyali siaveeye nizinguru kandi mba.”

Zaburi 85:6

Ulavula kukwiranila na okohe liiva lihia kandi, kunangwa avandu vovo kuduuki kusangalira ivi?

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 57:16

Ndahaa avandu vange livamwoyo na sindazizagilira kuvayaala anoho kuvavihilirwa mihiga ni mihiga mba.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.