Zaburi 138:2 - KITABU KITAKATIFU

² Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

Zaburi 138:2 ပူးပေါင်းရင်းမြစ်များ

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Avami 8:20

“Kalunu Yahova Umali kutwekiza lisuuviriza lilie. Inzi mali kuvugura vogono vwa baba wange kuli mwami wa Isiraeli, kandi mali kwumbaka Litembeli kigira lisigamira lia Yahova Nyasaye wa Isiraeli.

1 Avami 8:24

Ivi udukiza lilagana liilio na avandu vovo kandi uvamanyia vuyanzi vuvwo lwa vamenya mu lisuuviriza lia walomba ku baba wange Daudi; Lero vuli likuva limali kutwekizwa.

Zaburi 115:1

Uvukumi vuduukana vuhaanwe ku ivi weng'ine O, Yahova, ku ivi weng'ine; navuzwa si gaali ku kunyi mba, kigira uvuyanzi vuvwo uvutali ne keheri, kandi uvusuuvirifu vuvwo.

Zaburi 28:2

Umbulirize lwa nzanira ku ivi ongonye, lwa ng'ingaa makono gange kohenziza ku Litembeli liilio litakatifu.

Zaburi 5:7

Navuzwa inzi, ndingira munyumba yooyo kigira vuyanzi vuvwo vonene, na inzi ndakusigamira mu Litembeli liilio litakatifu nu kwinamiraa ivi mu vuti vonene ku ivi.

Zaburi 5:8

O, Yahova, unzimiliri mu vulungi vwuvwo kigira avasigu vange, ulungikizi inzira yooyo imbiri wange.

Zaburi 56:10

Suuviraa mu Nyasaye; kandi nzizominyaa likuva lilie.

Zaburi 56:4

Inzi suuviraa mu Nyasaye, na simbeeye nuvuti mba; mwizominyaa kigira likuva lilie ilihonyianga. Mundu vuzwa anyala kongola ki?

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 99:5

Mwizominye Yahova, Nyasaye wiitu. Musigamiri imbiri wendeve yeeye yu vwami! Aveeye mutakatifu!

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Isaya 42:21

Yahova aveeye Nyasaye uveeye nu vuha kohonyia, kunangwa malago geege gizominywe kandi amigizu geege, kandi yenya avandu veve vahane luyali kuye.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Matayo 24:35

Ligulu ni lirova vilavita, navuzwa amakuva gange sigalivita mba.”

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 10:35

Nyasaye yalanga avandu yavo, avanyasaye, avandu va yaaha likuva lilie, na kunyi kumanyi ndi Mang'oda Matakatifu gavoora agiligali kazozo, na siganyala kuvunagwa mba.