Zaburi 137:6 - KITABU KITAKATIFU

⁶ Niimba niimbura kwizuliza ivi; leka lulimi lwange luhande igulu wu munwa gwange mburi kwimba kandi, niimba niimbura kuganagana ku makuva googo kuli gaveeye uvusangari vwange vonene ligali kuvita.

Zaburi 137:6 ပူးပေါင်းရင်းမြစ်များ

Ayubu 29:10

Mioyo ja avakulundu vu luyali jachiring'anywa, kandi zinimi ziavo ziahanda mu vikalakula viavo.

Ayubu 31:22

hene yaho, vwakaveeye vulahi mavega gange gavunanywe, kandi makono gange gatandulwi kutura ku mavega gange.

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Ezekieli 3:26

Inzi ndakora lulimi lulwo luhande mu kikarangula kunangwa uvuli kuviganihiza kigira vaveeye avandu vu kwibaala.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vafilipi 1:20

Ilikayirwa ni lisuuvirizwa liange linene liveeye ndi, inzi mburi kwononya miyinzi jange, navuzwa vuli kazozo mbitilira kalunu ndakave nu vuluviliri ligali, kunangwa mu liiva liange liosi ndakaleete uvukumi ku Kristo, kali niiva ndava mwoyo anoho nguzi.