Zaburi 136:6 - KITABU KITAKATIFU

⁶ Yumbaka lirova ku mazi gululiva ligali; kigira uvuyanzi vwivwe vuhindiraa mihiga ni mihiga.

Zaburi 136:6 ပူးပေါင်းရင်းမြစ်များ

Litanga 1:9

Maku Nyasaye yalaga, “Amazi agaveeye isi wi ligulu gavuungi havundu harara, kunangwa lirova liumu liloleke.” Gakolekaa ndio.

Ayubu 26:7

Nyasaye yavaambuula uvwerefu ku lovega lwa ivaale, kandi niyeleriza lirova havundu hatali ni kindu chu ku ligumira.

Ayubu 37:18

Unyala kokoonya Nyasaye kuvambuula ligulu kandi ulikole live lidinyu kuli kivia kisiyiywi?

Zaburi 24:2

Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

Isaya 40:22

Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Jeremia 10:12

Yahova yalomba lirova nizinguru zizie mwene; yalomba kivala novogeri vwivwe kandi navambura ligulu.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,