Zaburi 133:2 - KITABU KITAKATIFU

² Gaveeye kuli maguta guvuguli, agidolokaa hasi kutura ku mutwi kandi zinderu zia Haruni, kuduuka hasi ku lukigiti lwi zigaanza zizie.

Zaburi 133:2 ပူးပေါင်းရင်းမြစ်များ

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Kutwula 28:33

Ku lukigiti lwayo lwa hasi uviiki ku vifwananyi via makuyu ga bulu girangi yu muzambarao kandi amakanyu; kukumberiza lukigiti; kandi vikuli vie zahabu hagati hago zimbega ziosi.

Kutwula 29:7

Maku uvuguli amaguta gu kuvaka, uzuki ku mutwi gwigwe, ma umuvake.

Kutwula 30:35

Uvitumikiri kolomba kimuli kizuganyiywi mu maguta gafunyaa mwayu. Omeede ku ijumbi kugilinda eve indahi kandi indakatifu.

Kutwula 39:24

Valomba ligemo lieganza, vaviika ku mangirinya gikatani indahi gafwana makuyu nu uvwoya vwiranga ya bulu, muzambarao, ninzakanyu.

Tsing'ano 27:9

Maguta gu mwayu ni kimuli vikoleteraa uvuyanzi mumwoyo, navuzwa uvudinyu vwononyaa elielemeliza lie zing'anagani.

Lwimbu lwa Solomoni 1:3

Wivaki maguta gu muhomo; lieta liilio liveeye kuli amaguta gidorokaa, kunangwa avakali vakuyaanzaa.

Kyavalevi 8:12

Yavaka Haruni amaguta ku mutwi gwigwe malala ku maguta gu kuvaka, namugasiza kandi namutakasa kigira miyinzi ja Yahova.

Yohana 12:3

Kunangwa Maria yavugula ijuba ya maguta gafunyaa umwayu, aginaridi enzere aguvuguli vonene. Yavaka virenge via Yeso, na niyeeya virenge zana ni liisu lilie. Inyumba yoosi yekolera mwayu.