Zaburi 132:9 - KITABU KITAKATIFU

⁹ Leka avasaalisi vovo vakole agaveeye malungi kazozo; leka avandu vovo vakubi isango kigira uvusangari!

Zaburi 132:9 ပူးပေါင်းရင်းမြစ်များ

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

Ayubu 29:14

Vutakatifu vwange vwangunika kuli inguvu, kandi uvulungi vwange vwali kuli iganza ni igudwa.

Zaburi 104:1

Nzizominyaa Yahova Nyasaye nu mwoyo gwange gwosi! O, Yahova Nyasaye wange, ivi oveeye munene ligali! Oveeye wu vukumi kandi wu luyali;

Zaburi 132:16

Ndagasiza avasaalisi valio mu viosi via vakora, kandi avandu valio valimba nukukuba isango kigira uvusangari.

Zaburi 149:5

Leka avandu va Nyasaye valungi vasangale mu liguuta liavo, na vimbi nuvusangali vudiku vwosi.

Zaburi 47:1

Munyi avandu vosi, mukubi makono kigira uvusangari! Mwizominye Nyasaye ku liemba zinyimbu.

Zaburi 68:3

Navuzwa avalungi vazanzalikaa nivasangala imbiri wa Nyasaye; vaveeye nuvuyanzi kandi vahanzuka kigira uvusangari.

Zaburi 70:4

Leka yavo avaazaa ku ivi, vasangale kandi vayanze. Leka yavo avaveeye nilisandiza kigira ovohonyi vuvwo, vavoole kazozo, “Nyasaye aveeye munene ligali!”

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 65:14

Valimba nu vusangali mu mioyo jaavo, navuzwa munyi mulalira kigira uvuzunu mu mioyo jinyu.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.