Zaburi 132:15 - KITABU KITAKATIFU

¹⁵ Ndahaana ku lidaala lia Ziyoni uvutugi vwosi vwa lienyaa: ndigutiza avadaka valio nichukulia.

Zaburi 132:15 ပူးပေါင်းရင်းမြစ်များ

Zaburi 107:9

Yahova ahaanaa amazi makindu ku yavo avaveeye nuvuluhu, kandi yigutizaa yavo avaveeye ni inzara ni viukulia vilahi.

Zaburi 147:14

Akolaa zinzako zizio kuva ni mirembe, kandi akwigutizaa ni ingano indahi ligali.

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Zaburi 36:8

Kulizaa viukulia vilahi vinyingi via uhaanaa kuli mugera gwiturukaa. Kandi ivi olekaa kunwi kutura mu mugera gwu vulahi vuvwo.

Zaburi 37:19

Si valava nu vusaliri mu ing'inga yu vudinyu mba. Navuzwa valanyora viukulia vinyingi mu ing'inga yi inzara eveeye ho.

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Haggai 1:9

“Mwasuuvira mulanyola ligesa linyingi, navuzwa mwanyoola ligesa likekeeke. Lwa mwaleeta yengo via mwagesa, ndaviononya. Ndakora ndio kigira Litembeli liange liveeye amang'anye, na vuli mundu ku munyi ayinziraa vudinyu ku inyumba yeeye.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Luka 1:53

Wigutizi avinzara ni vindu vilahi, O, uvukungi avatugi amakono vugira kindu.

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.