Zaburi 131:2 - KITABU KITAKATIFU

² Mu vogono yivwo inzi mwene nzituliiyi kandi mbeeye mu mirembe. Kuli mwana agonaa makiriri ku magulu ga mama weve, nindio mwoyo gwange gwelemelizi mu inzi.

Zaburi 131:2 ပူးပေါင်းရင်းမြစ်များ

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 42:5

Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 43:5

Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Lisyoma lya Jeremia 3:26

Voveeye vulahi umundu kulindilira machiriri ovohonyi vwa Yahova.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Luka 21:19

Muliekuzira lienyu nu vusuuvirifu, mulanyola livamwoyo litahera mba.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Samweli 24:10

Unyala kololera ndi ulwene yilu noveeye muluhangaywa, Yahova akuviiki mu zinguru ziange. Valala ku vandu vange vamboleeye ngwiti, navuzwa ngovererera kandi nimbora ndi sindakusaliriza munzira yoosi mba, kigira ivi niyie wa Yahova yatovola kuva mwami.

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.