Zaburi 131:1 - KITABU KITAKATIFU

¹ O, Yahova, inzi mali koleka luyaayi lwange, kandi mali kugirung'ana kutura ku liegingira liange. Inzi sinziyingirizaa mu makuva manene mba, anoho vindu viveeye vidinyu ligali ku inzi mba.

Zaburi 131:1 ပူးပေါင်းရင်းမြစ်များ

2 Samweli 6:22

kandi ndazizagilira kwivika mu zisoni ligali. Ivi unyala kuganagana inzi simbeeye kindu, navuzwa avakaana yavo valanganaganira uvulahi ligali.”

Ayubu 42:3

Ivi oteevi ndi, nivwaha uyu uvisaa zing'anagani vugira limanyiriza? Kulwayago, mali komoloma makuva ga inzi mwene ndaavura kumanyiriza; Kandi mali kovora vindu viokogenyia ligali, via inzi ndaavura kumanya.

Zaburi 101:5

Ndatuliza ho uyu uginaa mutende weve vudamanu muvwivisu; Sindikuzira ku mundu oveeye nuluyayi kandi mwigingiri mba.

Zaburi 122:1

Ndaali nuvusangali lwa vambolera, “Gendi kuzie mu Litembeli lia Yahova!”

Zaburi 124:1

Kindiki chakakoleki ku kunyi niiva, Yahova siyakaveeye ku lovega lwiitu? Tivula O, Isiraeli!

Zaburi 133:1

Henza kuli voveeye vulahi, kandi kindu chukuyaanziza ku avandu va Nyasaye, komenya harara mu vuhambani!

Zaburi 139:6

Limanya liilio lia umanyi inzi liveeye liu musi ligali, livitaa ligali limanyiriza liange.

Tsing'ano 21:4

Avandu vachamu vamifwa ni liegingira kandi lielola, yaga nuvwoni.

Jeremia 17:16

Navuzwa, Yahova, inzi si ndakuniga olete ikivi kuvo mba; kandi sindegomba ing'inga yu vudinyu kuza kuvo mba. Yahova, ivi umanyi yaga; kandi umanyi ligali aga inzi mali kovora.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Livalidza 12:3

Musa yaali mundu muhooma ligali kuvita vandu vandi vosi mu lirova.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Vikolwa 20:19

Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Kwidzulitsa 17:20

Yaga galamukola avuli kuganangana ndi aveeye mulahi ligali kuvita vandu vandi va Isiraeli mba, kandi kutura ku livula kuhulira malago ga yahova munzira yoosi. Maku alamiiha ku mihiga minyingi, kandi visukululwi vivie vilamiiha Isiraeli mihiga ni mihiga.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

1 Samweli 16:13

Samweli yavugula lwiga lwa maguta ga muzeituni navaka Daudi amaguta imbiri wa vamwavo veve. Nonoho, Roho wa Yahova yagumira Daudi kandi yaali naye kutura ing'inga yeyo. Maku Samweli yirana Rama.

1 Samweli 16:18

Mulala ku vatumikiri veve yavoola, “Jese, wi lidaala lia Bezelehemu, aveeye nu muyaayi oveeye mwimbi kandi ukubaa vukana vulahi. Aveeye musaza muluviliri kandi wi ligondo lilahi musikari wi liihi mulahi kandi mimolomi mulahi. Yahova aveeye harara naye.”

1 Samweli 16:22

Ahene yaho, Saolo yatuma amakuva ku Jese navoora, “Nyanza Daudi. Leka amenye hano mu vutumiki vwange.”

1 Samweli 17:15

Daudi yirana kuzia Bezelehemu vuli ing'inga kwaya amagondi ga baba weve.

1 Samweli 18:23

Kunangwa vavoolera Daudi Makuva yaga, naye yativura, “Loveeye luyali lonene ligali kugwa navizara mwami, inguuva enene ligali ku mundu mudaka kandi utamanyikani kuli inzi.”