Zaburi 13:2 - KITABU KITAKATIFU

² Ndikuzira ku vudinyu kuduuka ng'inga ki? Ovovereri vulizula mu mwoyo gwange mbasu nu vudiku kuduuka ng'inga ki? Avasigu vange valigingilira nu kusangalira vudinyu vwange kuduuka ng'inga ki?

Zaburi 13:2 ပူးပေါင်းရင်းမြစ်များ

Nehemia 2:2

Kunangwa mwami yandeva, “Kigira ki oveeye novovereri mu moni mumwo? Sioveeye mulwaye mba, Kunangwa kuduuka vove ovovereri vwu mumwoyo.” Maku ndaali nuvuti ligali,

Esther 7:6

Esiteri yativura, “Musigu wiitu, ukudambizaa, nu mundu mudamanu Hamani uyu!” Hamani yumika mwami harara nu mwami wikikali nu vuti vonene ligali.

Ayubu 10:15

Nonoho lwa inzi ngolaa vwoni, mbeeye mu vudinyu, navuzwa lwa ngolaa vulahi sinyoolaa lizominywa mba. Mbeeye mu vudinyu, kandi ngunikiywi ni zisoni.

Zaburi 10:18

Ivi ulahulira lianira lia avadambizwa navavisandu; ulavakalagila kolondekana ku vulungi vwavwo. Kunangwa avandu vatahindira mihiga ni mihiga vavuli kuvatihiza kandi mba.

Zaburi 116:3

Uvuhimwa vwi likuza vwangumbiriza; uvutihizi vwi likuza vwangunika ligali. Uvuti nilihenda mwoyo vizura mu inzi.

Zaburi 17:9

uniindi kutura ku lingilira lia vasigu vadamanu vaangumbirizi;

Zaburi 31:18

Kiringanyia avagaadi yavo! Avandu vaveeye nilielora kandi niliegingira, avamolomaa ni lilegeriza ku valungi.

Zaburi 38:17

Mbeeye ahimbi kugwa kandi mbeeye mu vuzunu vuli ing'inga.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 6:4

Hamba ombonyie ongonye O, Yahova; kuvitira muzimbavasi zizio mbonyia kutura mulikuza.

Zaburi 7:2

Gase valang'inga kuli isimba, nukumbila havundu hu mundu atanyala kombonyia, na uwene yeyo, valandandulanyia mu vidonye.

Zaburi 74:10

O, Nyasaye, avasigu viitu, valakokolera kehenyahenye kuduuka ng'inga ki? Valanyega lieta liilio mihiga ni mihiga?

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Zaburi 8:2

vukumi vuvwo vwizominywa na avayaayi, kandi avana vadoto. Ivi wayumbaka imbinga ukwikinga kutura ku vasigu vovo vosi, kandi ukiring'anyia yavo avahing'anaa nivi, kandi avavanzi vi kisaalia.

Zaburi 9:6

Avasigu viitu vamali kudivizwa mihiga ni mihiga, umali kudiviza amadara manene gaavo ligali kandi vamali kwivilirwa ligali.

Tsing'ano 15:13

Lwa avandu vaveeye nu vuyanzi vimwenyelaa, navuzwa lwa vaveeye no vovereri, valoreka kuva ni zing'anagani zinyingi.

Kohelethu 5:17

Komenya limenya liu mu kisundi kandi mulivelera, muvudegelu, mu vutima kandi mu vulwaye.

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Jeremia 45:3

ivi ovola, ‘Inzi ndeke! Yahova amali komeeda ovovereri ku uvudinyu vwange. Inzi nduhi kigira likenya, kandi sinyala konyoora ovososi mba!’

Jeremia 8:18

Ovovereri vwange si vunyala kohonywa mba; mwoyo gwange gulwaye.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 5:20

Kigira ki vakoleka kuing'inga itambi? Yivi alakakwizuliziku kandi?

Matayo 26:38

navavoolera “Mbeeye no vovereri ovonene ligali mu mwoyo gwange, kali kuduuka ku likuza. Mwikale hano mulindi harara ninzi.”

Luka 22:53

Lwa ndaali harara ni munyi kazozo mu Litembeli si mwanyiira amakono ginyu kung'umira mba. Navuzwa yiyi ni isa yinyu, kokora agamwenyaa, lwa zinguru zie kisundi ziamiihaa.”

Yohana 16:6

Kandi kalunu kigira mali kumuvolera yaga, mioyo jinyu jizuyi ovovereri duu.

Varumi 9:2

Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange,

Vafilipi 2:27

Yee yaali umulwaye ligali kali himbi akuzi. Navuzwa Nyasaye yamuvererera na siyaali yenyine mba, navuzwa inzi kandi, yangoonya kunangwa ninema umwoyo.

1 Samweli 18:29

Kunangwa yamanya naatia Daudi ligali kandi yagwa musigu weve ku madiku goosi ga yaali mwoyo.

1 Samweli 24:19

Ni haali kanga mundu agumiraa musigu weve ma aleka azia vugira kumusaliriza? Yahova akugasize kigira ku cha ongoleeye kalunu!