Zaburi 129:5 - KITABU KITAKATIFU

⁵ Leka sa mulala udunyiraa Ziyoni, avikwi mu zisoni zie liguutwa nukwiranywa inyima.

Zaburi 129:5 ပူးပေါင်းရင်းမြစ်များ

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Esther 6:13

Yavolera mukali weve Zereshi harara na valina veve vosi ivindu viosi iviali nivikoleki kuye. Maku mukali weve harara na valina veve vahaani vi zing'anagani vaamuvolera, “Ivi utangi kogotizira zinguru zizio ku Modekai. Aveeye Muyuda, na ivi siunyala kumuguuta mba. Ivi uladiva ligali imbiri weve.”

Esther 9:5

Kunangwa Avayuda vaali vanyara kokora choosi ichaveenya ku avasigu vaavo. Vingilira avasigu vaavo vosi ni vivavi nivaviita.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 40:15

Leka yavo avangoleraa kehenyahenye, vatiihizwi ligali ni liguutwa liavo!

Zaburi 71:13

Leka avanyingiliraa vaguutwi kandi vadivizwi. Leka yavo avagerizaa kusaliriza vakolwe vaduuki mu zisoni kandi valeganywe.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 29:8

Zihiiri ziosi zivuganaa harara kwingilira Lidaala linene lia Jerusalemi, zilava kuli mundu oveeye ninzara alootaa ndi alizaa, na lwa vuuka aveeza nakikiri ninzara, anoho kuli mundu ukuza nuvuluhu alootaa ndi anwezaa mazi, na lwavuuka nakikiri nuvuluhu vonene mwing'oti ni mwumi.

Isaya 37:22

Yahova umali kovora, “Lidaala linene lia Jerusalemi likosekeleraa, ivi Senakeribu, kandi likolegerizaa. Jerusalemi lidaala linene likusung'usilaa mutwi gwalio.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Mika 4:11

Zihiiri zinyingi zievungikizi ku mwingiliraa. Zivoolaa, “Lidaala linene lia Jerusalemi kuduuka liduuki kudivizwa! Kulalola lidaala linene yili ni ligwiyi amang'anye!”

Zekaria 12:3

Navuzwa lwi ing'inga yeyo ilakaduuki, ndakakole Jerusalemi kuva kuli ligina lilitu, ihiiri yoosi ilakagelizi kulinginga ilakasaliri. Zihiiri ziosi ziekivala zilakahambane kwingilira Jerusalemi.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!