Zaburi 126:3 - KITABU KITAKATIFU

³ Ligali Yahova yakokole kunyi vindu vinene; kwasangala ligali.

Zaburi 126:3 ပူးပေါင်းရင်းမြစ်များ

Zaburi 18:50

Nyasaye ahaanaa liguuta linene ku mwami weve; kandi amanyiaa uvuyanzi vutali nekeheri ku uyu wamali kotovola, ku Daudi harara ni visukululwi veve mihiga ni mihiga.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 68:22

Yahova umali kovora, “Ndilanyia avasigu vinyu kutura Bashani; ndavilanyia kandi kutura mu luliva lwinyanza,

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Joeli 2:20

Ndatulizaho Zisigi zinyingi ziatula ivaale ndakunga zindala kuzio kuzia mu changalangwi. Zisigi iziezidaraja ziembiri zilakungwa kuzia mu inyanza yi jumbi, zidaraja ziazio zitahulirika ligali mu Meditareniani mba. Imiviri jiazio mikuzu jilafunya vugundu. Ndazidiviza kigira goosi agazimali kumukolera.

Joeli 2:21

“Milimi, mutatia mba, navuzwa musangare kandi muyanze kigira goosi aga Yahova amali kumukolera.

Luka 1:46

Maria yavoola, “Mwoyo gwange gwizominyaa Mwami.

Luka 1:49

Kigira Nyasaye Wizingulu angoleeye vindu vinene; lieta lilie liveeye litakatifu.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!