Zaburi 126:2 - KITABU KITAKATIFU

² Kwaaseka nikwiimba ligali kigira uvusangari! Maku avandu vi zihiiri zindi vavoola: “Yahova uvakoleeye vindu vinene ligali.”

Zaburi 126:2 ပူးပေါင်းရင်းမြစ်များ

Ezara 3:11

Vimbira Yahova nilizominya kandi nilisandiza: “Yahova aveeye mulahi; uvuyanzi vwivwe ku avandu va Isiraeli vuhindiraa mihiga ni mihiga.” Vuli umundu yahanzuka nizinguru zizie ziosi: Vizominya Yahova kigira miyinzi jumusingi gwi Litembeli jaali nijimali kutanga.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Ayubu 8:21

Ulava ni liseka linyingi ligali, kandi ulizula isango yuvusangali.

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 51:14

O, Nyasaye, honyia livamwoyo liange na ombonyie, ku vwoni vwu kwiita avandi! Na ndalandiza uvulungi vuvwo nuvusangali.

Zaburi 53:6

Inzi ndakayanzi ndi uvuguuti kutura Ziyoni kuzia ku avandu va Isiraeli. Vulakave vusangali ki ku vandu va Isiraeli, lwa Nyasaye alivalomba kuva nu vutugi kandi!

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Livalidza 23:23

sihaveeye ne vyokwikingira, kandi vusigitiri mba; vinyala kutumikilwa kulwaana ihiiri ya Isiraeli. Kalunu vandu valavoora kigira Isiraeli, ‘Henza ku ga Nyasaye amali kokora!’

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.