Zaburi 123:4 - KITABU KITAKATIFU

⁴ Kumali kokolerwa kehenyahenye ku ing'inga indambi ligali na vatugi. Kumali kolegerizwa ligali na vadambizi avelori.

Zaburi 123:4 ပူးပေါင်းရင်းမြစ်များ

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Ayubu 12:5

Munyi si muveeye nu vudinyu mba, navuzwa mungoleraa kehenyahenye; muduyaa mundu oveeye ahimbi kugwa.

Ayubu 16:4

Niiva munyi mwakaveeye inzi, na inzi niiva ndakaveeye munyi, ndakavooye makuva goosi ga munyi muvooraa ku inzi. Ngano ndakamuvooleye makuva gokogenyia nu kuzizagilira kumusung'usira mutwi gwange.

Zaburi 119:51

Avandu vuluyayi vaandegeriza kazozo, navuzwa si ndaaleka amalago googo mba.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Isaya 32:9

O, munyi avakali vaveeye ni limenya liovwelemelizi, avataveeye ni lihenda mwoyo, muhulirize amakuva gambolaa.

Jeremia 48:11

Yahova avoora ndi, “Avandu va Moabu vamenya mu likingwa kazozo, na sivahilwaku mu vuhambe mba. Vaveeye kuli iwaini iviikiywi mu kiju kilala vujira kwituruka kutura mu kiju kilala kuzia mu kiju kindi. Ovonolu vwayo si vwayononywa mba, kandi lizazama liayo liveeye lilahi kazozo.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Jeremia 48:29

Munyi muveeye avelori ligali! Inzi mali kuhulira kuli mwelora, kuli mwigingiraa kandi kuli mwekonyaa, kandi kuli mwiganaganira aveene.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Vikolwa 17:21

Avandu va Azene na avageni vandi avamenya mu lidaala yilio vatumikira vwiyangu vwavo vwosi kovolerana nu kuhuliriza amakuva mageni.

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

1 Vakorintho 4:13

Lwa kuginangwa, kutivula vulahi novogoosi. Kuduuka lero, kokoleywe vuzwa kuli amandu gi lirova. Kufananyiywi kuli vandu vataveeye no vokonyi kandi avadamanu ligali.

1 Samweli 17:42

na lwa yahenza Daudi vulahi ligali, yakolera Daudi kehenyahenye, kigira yaali vuzwa muyaayi mulahi, wiligondo lilahi.