Zaburi 123:2 - KITABU KITAKATIFU

² Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Zaburi 123:2 ပူးပေါင်းရင်းမြစ်များ

Litanga 32:26

Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Litanga 49:18

“Inzi nindiliraa ovohonyi vuvwo O, Yahova.

1 Avami 1:20

Mwami wange, avandu vosi va Isiraeli vahenza ku ivi uvavoolere nivwaha uvugura ovogono vuvwo kuli mwami.

2 Kyetsinyinga 20:12

Ivi oveeye Nyasaye wiitu! Haana amageri kuvo, kigira sikoveeye kindu imbiri wi liihi linene yili ilikulwanaa. Sikumanyi cha kunyala kokora, navuzwa kusuuviraa ndi ivi ulakokonya.”

Zaburi 119:82

Zimoni ziange ziiluhi kigira lihenzelera cha wandaga, lwa ndeva, “Ulangonya ng'inga ki?”

Zaburi 25:15

Mbenzaa ku Yahova kazozo yangonye, na yambonyia kutula mu vuhimwa.

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Joshua 10:6

Avasaza va Gibeoni vatuma amakuva ku Joshua ahokososa ha Giligali: “Utakoleka kunyi, avatumikiri vovo mba, mwami! Hamba vwangu okokonye! Okohonyie Avami va Amori vosi avamenyaa mu kivala chi vigulu vamali kuhambanyia amahi gaavo, ma vazi kukulwaana!”

Joshua 9:23

Kigira mumali kokora yaga Nyasaye umali kumukalagira. Avandu vinyu valava avatugwa kazozo; vatenya zingu kandi vaginga amazi ga havundu Hatakatifu ha Nyasaye.”

Joshua 9:27

Navuzwa ku ing'inga ndala nzere zana, yavakola avatugwa, ukwasiaga zingu kandi kugingira avandu va Isiraeli vosi amazi kandi kigira uvwali vwa Yahova. Kuduuka lidiku lia kalunu vazizagiliraa kokora miyinzi havundu aha Yahova amali kotovola asigamirwi.