Zaburi 12:1 - KITABU KITAKATIFU

¹ O, Yahova, okokonye! Sihaveeyeho nu mundu kali mulala oveeye mulungi imbiri woovo mba, Avandu valungi vafeeye; avasuuvirifu sivanyala konyoleka hagati havandu mba.

Zaburi 12:1 ပူးပေါင်းရင်းမြစ်များ

Litanga 6:12

Nyasaye yahenza ku lirova nalora ndi liali lidamanu, kigira avandu vosi vamenya mu likora vudamanu.

1 Kyetsinyinga 15:21

Navuzwa Matizia, Elifelehu, Mikineia, Obedi Edomu, Jeyeli, na Azazia vatovolwa kukuba kolondekana na Sheminizi.

Zaburi 3:7

Hamba O, Yahova! Ombonyie, O, Nyasaye wange! Haana mageri ku vasigu vange vosi na uvaleke vugira zinguru ziu kusaliriza.

Zaburi 54:1

O, Nyasaye, ombonyie ni zinguru zizio; kandi omboholore nu vunyali vuvwo!

Zaburi 6:1

O, Yahova, utang'ondokera mu vutima vuvwo mba; utaamba mageri mu vutima vuvwo vululu mba!

Zaburi 6:4

Hamba ombonyie ongonye O, Yahova; kuvitira muzimbavasi zizio mbonyia kutura mulikuza.

Tsing'ano 20:6

Vuli mundu amolomaa kuli aveeye wu luyali kandi musuuvirifu, navuzwa nivwaha unyala kunyoola mundu musuuvirifu?

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Matayo 14:30

Navuzwa lwa yalora imbuza nemeedekaa, yatia, ma natanga kwiyina. Yanira nu mwoyo munene navoora, “Mwami mbonyia!”

Matayo 24:12

Kigira vuchamu vulamedeka, kandi uvuyanzi vwa vanyingi vulageha.

Matayo 8:25

Aviigi vazia kuye nivamuvukiza nivavoora, “Mwami okohonyie, kudivaa!”