Zaburi 119:80 - KITABU KITAKATIFU

⁸⁰ Leka mwoyo gwange gove vugira imbara ku amalago googo, kunangwa mburi kuvikwa mu zisoni.

Zaburi 119:80 ပူးပေါင်းရင်းမြစ်များ

2 Kyetsinyinga 12:14

Yakola agaali madamanu imbiri wa Yahova, kigira si yageriza kwenyeleriza uvulariri vwa Yahova mba.

2 Kyetsinyinga 15:17

Kali niiva mwami Asa si yononyia havundu hoosi hu kusigamira misambwa mu kivala, navuzwa yaali musuuvirifu ku Yahova mu livamwoyo lilie.

2 Kyetsinyinga 25:2

Yakola agali malungi imbiri wa Yahova, navuzwa siyaali musuuvirifu ligali ku Yahova mu mwoyo gwigwe mba.

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 25:21

Uvulahi nu vusuuvirifu vwange vuduuki vuuniinda kigira inzi suuviraa mu ivi.

Zaburi 32:2

Aveeye nu vugasu mundu wa Yahova avulaa kuvaliza uvuchamu kuye, kandi utaveeye nu vugadi mu mwoyo gwigwe.

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Ezekieli 11:9

Ndamuvugura kutura mu lidaala linene nukumuhira kuvageni. Inzi mali kumukalagira likuza,

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Kwidzulitsa 26:16

“Kalunu Yahova Nyasaye winyu amulagaa muhuliri malago geege goosi; kunangwa mugahuliri nu vusuuvirifu ni mioyo jinyu josi kandi na roho jinyu josi.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.