Zaburi 119:4 - KITABU KITAKATIFU

⁴ O, Yahova, ivi umali kukuha malago googo, kandi wakovolera kugahuliri nu vusuuvirifu vwosi.

Zaburi 119:4 ပူးပေါင်းရင်းမြစ်များ

Ezara 7:21

“Inzi mwami Aritasakises, ndagaa mavikiru goosi gavanene mu kivala, Imadioli wa Efurate vahane ku Ezara musaalisi kandi mwigizi wililaga lia Nyasaye wu mwigulu, choosi icha ateeva,

Kutwula 7:6

Musa na Haruni vaakora aga Yahova yavalaga kokora.

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Yohana 14:15

“Ni muva ni munyanza, mulagumira amalago gange.

Yohana 14:21

“Uyu uvugilira amalago gange nukugagumira, uyu niyie uyanzaa, na uyu unyaanzaa Baba wange alamuyaanza nainzi kandi ndamuyaanza kandi ndivuura inzi mwene kuye.”

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 11:22

“Mulonde amalago gamali kuhaana kumunyi yaga goosi nu vusuuvirifu muyanze Yahova Nyasaye winyu, mukore vindu viosi via amulagaa kandi muve avasuuvirifu kuye.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 6:17

Mulole ndi mulondi malago goosi ga Yahova Nyasaye winyu amali kumuha.

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.