Zaburi 119:36 - KITABU KITAKATIFU

³⁶ Ombe uvuha vwu kuhulira malago googo, kuvita kuva nuvutugi.

Zaburi 119:36 ပူးပေါင်းရင်းမြစ်များ

1 Avami 8:58

Yahova agirung'anyie mioyo jietu jiyeeke kuye, kogenda mu zinzira zizie ziosi kandi kugumira malago geege, likalaga lilie kandi miima jije, ja yalaga vaguuga viitu.

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 141:4

Utaleka mwoyo gwange gukayilwi kokora uvudamanu mba, kandi utaleka mbe ni lihambana harara na vandu vadamanu mu vudamanu vwavo mba, kandi mbule kusanga mu lisangala lie lilia liavo mba.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Kutwula 18:21

Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.