Zaburi 119:2 - KITABU KITAKATIFU

² Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 119:2 ပူးပေါင်းရင်းမြစ်များ

1 Avami 2:3

na okole icha Yahova Nyasaye woovo akulagaa okole. Uhuliri malago geege goosi, ni miima jije, nilikalaga lilie liosi, kuli gang'odwa mu Lilaga lia Musa; kunangwa hoosi ha uzia uduuki kugasizwa mu viosi via okola.

1 Kyetsinyinga 22:19

Kalunu tumikira Yahova Nyasaye woovo nu mwoyo gugwo gwosi kandi na roho gugwo gwosi. Tanga iliumbaka Litembeli kunangwa ove unyala kuviika mu Lisandugu lie Lilagana lia Yahova, kandi viju vitakatifu vindi viosi ivitumikirwaa mu lisigamira Yahova.”

2 Kyetsinyinga 31:21

Kandi miyinzi josi ja yakola mu vutumiki mu Litembeli lia Nyasaye kolondekana ni lilaga kandi namalago, kwenya Nyasaye weve, yakola nu mwoyo mulala. Na ku goosi ga yakola, yagasizwa.

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Zaburi 119:10

Ngerizaa kukutumikira nu mwoyo gwosi, unindi mburi kwibaala ku malago googo.

Zaburi 119:101

Mali kweleha ligali ku miima midamanu josi; kigira nyenya kuhulira likuva liilio.

Zaburi 119:115

Tuli ku inzi munyi avoni. Inzi ndahulira malago ga Nyasaye wange.

Zaburi 119:146

Inzi nzanira ku ivi umbonyie, na inzi ndagumira amalago googo.

Zaburi 119:17

O, Yahova, ove mulahi ku inzi, mutumikiri woovo, kunangwa nduuki komenya nokolonda amigizu googo.

Zaburi 119:22

Omboholore kutura ku manyego gaavo kandi lilegwa liavo, kigira mali kulinda malago googo.

Zaburi 119:33

O, Yahova, unzigize kolonda malago googo; na ndagagumira kuduuka ku keheri.

Zaburi 119:34

Ombe limanyiriza, kunangwa nduuki kuliinda amalago googo; kandi nduuki kugahulira nu mwoyo gwange gwosi.

Zaburi 119:57

O, Yahova, ivi wengine niyie wa nyenya; kandi ndagaa kuhulira amalago googo.

Zaburi 119:69

Avandu vu luyaayi vamali kuung'ina, navuzwa inzi nondaa amigizu googo nu mwoyo gwange gwosi.

Zaburi 119:88

Kigira vuyanzi vuvwo vutali ne keheri, yaanza ulindi livamwoyo liange, kunangwa nduuki kuhulira malago googo.

Zaburi 25:10

Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Tsing'ano 23:26

Mwana wange huliriza kandi uvuguli limenya liange live amigizu kuive.

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.

Kwidzulitsa 6:17

Mulole ndi mulondi malago goosi ga Yahova Nyasaye winyu amali kumuha.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

1 Yohana 3:20

Niiva zing'anagani zie mioyo jietu zikukalagiraa, kumanyi ndi Nyasaye aveeye umunene kuvita mioyo jietu, kandi amanya vindu viosi.