Zaburi 119:19 - KITABU KITAKATIFU

¹⁹ Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 119:19 ပူးပေါင်းရင်းမြစ်များ

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

1 Kyetsinyinga 29:15

Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

Ayubu 39:17

Yaali inzi Nyasaye, uwavula kugiha ovogeri; kandi sindagiha limanyiriza mba.

Zaburi 119:10

Ngerizaa kukutumikira nu mwoyo gwosi, unindi mburi kwibaala ku malago googo.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Isaya 63:17

O, Yahova, kigira ki olekaa kunyi kogote kutura kuzinzira zizio? Kigira okolaa kunyi kove nikirage kali kuduuki kugirung'ana kutura ku ivi? Mwaza yirana ku kunyi kulwu vulahi vwa yavo avakutumikiraa ivi, kandi kulwa avandu yavo avaveeye avoovo kazozo kutura maziambiri.

Luka 24:45

Maku Yeso yakunura zing'anagani ziavo vaduuki kumanya mang'oda matakatifu.

Luka 9:45

Navuzwa aviigi yavo sivamanyiriza kivuni chi livoora yili mba. Likuva yili liaviswa kuvo vavuli kulimanya; kandi vaatia ligali kumuteeva kivuni chi livoora yili.

2 Vakorintho 5:6

Kunangwa kunyi kwizuyi kelemamwoyo kazozo. Kumanya vulahi ndi lwa kokemenyi hango mu muviri yigu, koveeye ihale kutura ku Mwami.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.