Zaburi 119:18 - KITABU KITAKATIFU

¹⁸ Ukunuli zimoni ziange, kunangwa nduuki kolola agiligali gokogenyia mu lilaga liilio.

Zaburi 119:18 ပူးပေါင်းရင်းမြစ်များ

Zaburi 119:96

Mali kwiga ndi vuli kindu keveeye nekeheri chacho, navuzwa amalago googo gaveeye maduukiru ligali.

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 32:3

Zimoni ziavo zilarora, kandi amatu gaavo galahulira yava avaveeye nu vudinyu.

Isaya 35:5

Avavoku valalola, kandi wahana matu alahulira.

Hosea 8:12

Inzi ndaavang'odera ivindu vinyingi vielilaga liange, navuzwa vaavivugula kuva kuli kindu kegeni.

Matayo 13:13

Yiki nicho kigira nimbora mu zing'ano; kigira, lihenza vahenza, navuzwa si valora mba, kandi lihulira, valahulira, navuzwa si valamanya mba.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Matayo 20:33

Vaamutivulira, “Mwami, kwenyaa, izimoni zietu zi lole.”

Yohana 9:39

Yeso yavoola, “Inzi ndaaza mu kivala kigira likalaga, kunangwa avavoku vaduuki kolola, na yavo avalolaa vaduuki kuvakula.”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vahebraina 10:1

Lilaga lia Vayuda siliveeye kelolero kidukiru na kisuvirifu chi vindu vieligali viza mba, navuzwa ichiriri chi lilohiza lie vindu valahi viizaa. Visiuviliru vilala viere vihaanwa vuli muhiga. Kunangwa Lilaga linyala ndi, kuvitira mu visiuviliru yivi, kolomba avandu vaazaa ku Nyasaye kuva avadukiru?

Vahebraina 8:5

Uvutumiki vwavo vwu vusaalisi voveeye kelolero kandi chiriri chi vindu viveeye mwigulu. Yiki nicho chagira Nyasaye niyiganihiza Musa lwa yenya kwumbaka Lihema navoora, “Henza olombe vindu viosi ku lugano lwi kilolero cha wamanywa ku kiguru.”

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.