Zaburi 119:176 - KITABU KITAKATIFU

¹⁷⁶ Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 119:176 ပူးပေါင်းရင်းမြစ်များ

Zaburi 119:16

Nyanzilira malago googo ligali; sinyala kwivilira malago googo mba.

Zaburi 119:61

Avandu vadamanu vamali kondega mutego, navuzwa si ndivilira amalago googo mba.

Zaburi 119:93

Inzi sindaleka amigizu googo kali hakuzu, kigira umali kongola mbe mwoyo mugo.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Jeremia 31:18

“Inzi mbulira avandu va Isiraeli nivavoora muvovereri, ‘Yahova kwali kuli mutugu gutatugwa, navuzwa wakwigiza kutia amalago. Ukwiranyie; kwetegeki kwirana ku ivi, Yahova Nyasaye wiitu.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Matayo 10:6

Navuzwa muzie ku avandu va Isiraeli avaveeye kuli amagondi gagota.

Matayo 15:24

Navuzwa Yeso yativura, “Inzi ndaatumwa vuzwa ku amagondi gagota aga vandu va Isiraeli.”

Luka 19:10

Kigira Mwana wa Adamu yaza kwenya kandi kohonyia avaagota.”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.