Zaburi 119:116 - KITABU KITAKATIFU

¹¹⁶ Ombe zinguru kuli wasuuviriza na inzi ndava mwoyo; utaleka mbe esoni mu lisuuvira liange mba.

Zaburi 119:116 ပူးပေါင်းရင်းမြစ်များ

Zaburi 119:17

O, Yahova, ove mulahi ku inzi, mutumikiri woovo, kunangwa nduuki komenya nokolonda amigizu googo.

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 25:2

O, Nyasaye wange, suuviraa mu ivi. Utaleka mbe mu zisoni utaleka avasigu vange vasangale kigira liguutwa liange!

Zaburi 37:17

kigira Yahova alatuliza zinguru ku avadamanu, navuzwa alanenehiza yavo avaveeye avalungi.

Zaburi 37:24

Kali niiva valagwa hasi, Yahova alavakonya kusingira.

Zaburi 41:12

Ivi ulangonya kigira ngolaa agaveeye malungi; ulambiika mbe imbiri woovo mihiga ni mihiga.

Zaburi 54:4

Navuzwa Nyasaye aveeye mukonyi wange, Yahova aveeye mukingi wange.

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Zaburi 94:18

Lwa ndavoora, “Ngwizaa”; navuzwa uvuyanzi vuvwo uvutali nekeheri, O, Yahova vwambonyia.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”