Zaburi 119:103 - KITABU KITAKATIFU

¹⁰³ Amigizu googo gaveeye manolu ligali - amanolu ligali kali kuvita uvwuki!

Zaburi 119:103 ပူးပေါင်းရင်းမြစ်များ

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 19:10

Likalago yili liegombangwa ligali kuvita izahabu indahi ligali; liveeye linolu kuvita uvwuki vulahi ligali.

Zaburi 19:11

Limbezaa limanya, inzi mutumikiri woovo. Mbeeveywi madanyi kigira ilihulira likalaga yilio.

Zaburi 63:5

Mwoyo gwange gulalia nukwiguta kuli mulala ulizaa uvuhale nizitinya mu lilia, na ndimba zinyimbu ziu vusangali mu lizominya ivi.

Tsing'ano 2:10

Ulakave mugeri, kandi limanya liilio lilakakoletele lieyaanziza.

Tsing'ano 3:17

Ovogeri volomba limenya liilio kuva nuvuyanzi, kandi vukwimiliraa mu mirembe.

Tsing'ano 8:11

“Inzi mbeeye novogeri, mbeeye mulahi kuvita magina gu vuguli; sihaveeyeho ni cha wenyaa kufananywa ninzi mba.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Ezekieli 3:3

Yambolera, “Mwana wu Mundu, ulie likaradasi lia mang'oda liangoheeza yili ma wiguti.” Ndaalia, na liali linolu ligali kuli vwuki.

Likunula 10:10

Ndaavugura akatabu kakuzuzu zana kutura mu mukono gwengelosi yeyo kandi ningalia. Kali akanolu kuli uvwuki mu munwa mwange, navuzwa lwa ndaamara kukamila, kagilungana nikagwa kalulu munda.