Zaburi 119:102 - KITABU KITAKATIFU

¹⁰² Ngikiri koleka amigizu googo, kigira ivi umwene oveeye mwigizi wange.

Zaburi 119:102 ပူးပေါင်းရင်းမြစ်များ

Ayubu 36:22

“Wizulizi kuli ovonene vwi zinguru zia Nyasaye voveeye; Aveeye mwigizi munene kuvoosi.

Zaburi 18:21

Mali kuhulira amalago ga Yahova, kandi sindagirung'ana kutura ku Nyasaye wange mba.

Tsing'ano 5:7

Avana vange, kalunu mbulirizi, mutivilira gambolaa mba.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.