Zaburi 119:10 - KITABU KITAKATIFU

¹⁰ Ngerizaa kukutumikira nu mwoyo gwosi, unindi mburi kwibaala ku malago googo.

Zaburi 119:10 ပူးပေါင်းရင်းမြစ်များ

2 Kyetsinyinga 15:15

Avandu vi Ivuyuda vosi vasangala kigira vaali nivalombi lilagana liukwisuha ku Yahova Nyasaye wa Isiraeli mu mioyo jaavo josi. Vaavugura liiva liu kusigamira Yahova, na Yahova yavavugilira kandi navaha mirembe ku zimbega ziosi.

Zaburi 119:118

Ivi usulaa sa mulala utahulira malago googo; zing'anagani ziavo zindamanu ziovovehi ziveeye zia vuzwa.

Zaburi 119:133

Ongole singiri vudinyu ligali kolondekana ni lilagana liilio ku inzi kandi utaleka uvudamanu vuunguuti mba.

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 119:21

Ivi ogondokera avigingiri; leka yavo avatahuliraa malago googo valaamwe.

Zaburi 119:34

Ombe limanyiriza, kunangwa nduuki kuliinda amalago googo; kandi nduuki kugahulira nu mwoyo gwange gwosi.

Zaburi 119:58

Ngoteva nu mwoyo gwange gwosi, ombere zimbavasi kuli umali kusuuviriza.

Zaburi 119:69

Avandu vu luyaayi vamali kuung'ina, navuzwa inzi nondaa amigizu googo nu mwoyo gwange gwosi.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 23:3

Alombaa mwoyo gwange kuva ni zinguru. Anzimilira mu zinzira ziu vulungi kigira lieta lilie.

Zaburi 78:37

Sivali avasuuvirifu kuye mba; sivali avasuuvirifu ku lilagana liavo naye mba.

Tsing'ano 2:13

Yavo na vandu vasuura limenya liu vulungi, navuzwa komenya mu kisundi chu vwoni.

Tsing'ano 21:16

Mundu woosi uturaa kunzira yilimanya, aladuuka mulikuza.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Hosea 10:2

Avandu yavo, mioyo jaavo jiveeye ju vugadi; kalunu valasalirizwa kigira uvwoni vwavo. Nyasaye alavunanyia uvwali vwavo kandi aladiviza zitiru ziavo.

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Vakolosai 3:22

Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami.

1 Yohana 2:15

Mutayaanza lirova, anoho kindu choosi chu mu lirova. Niiva mulayaanza lirova, ku simuyaanzaa Baba mba.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”